நம்பிக்கைக்‌ குழுமத்தின்‌ சார்பில்‌, உங்களை மூன்றாவது முறையாக நடைபெறவுள்ள நம்பிக்கை நட்சத்திர விருதுகள்‌ 2024 விழாவில்‌ கலந்து கொள்ள அழைப்பதில்‌ பெருமகிழ்ச்சி அடைகின்றோம்‌.

1997-ஆம்‌ ஆண்டு மாத இதழாகத்‌ தமது பயணத்தைத்‌ தொடங்கிய நம்பிக்கை குழுமம்‌, 2021-ஆம்‌ ஆண்டில்‌ இணைய ஊடகத்‌ துறையில்‌ கால்‌ பதித்தது.
2022-ஆம்‌ ஆண்டு முதல்‌ முறையாக நம்பிக்கை விருதுகளை அறிமுகப்படுத்தி 27 பெருந்தகைகளுக்கு விருதுகளை வழங்கி கெளரவித்தது.

அதனைத்‌ தொடர்ந்து, 2023-ஆம்‌ ஆண்டு மிகவும்‌ பிரம்மாண்டமாக நடத்தப்பட்ட 2-ஆவது விருது விழாவில்‌ 32 பிரபலங்களுக்கு விருதுகள்‌ வழங்கப்பட்டன.

நம்பிக்கை நட்சத்திர விருதுகள்‌ 2024 இந்நிகழ்வானது, முக்கியதுவம்‌ வாய்ந்த கலைஞர்கள்‌, எழுத்தாளர்கள்‌, கலைத்துறை பிரபலங்கள்‌ மற்றும்‌ இதர துறைகளில்‌ சாதனையாளர்‌ ஆளுமைகளை கெளரவிக்கும்‌ வகையில்‌ ஐம்பது (50) விருதுகள்‌ வழங்கப்பட இருக்கின்றது.

இந்த விருது விழாவில்‌ சமுதாயத்தின்‌ மேம்பாட்டிற்காக தொடர்ந்து பாடுபடும்‌ பெருந்தகைகளுக்கும்‌ விருதுகள்‌ வழங்கப்படவிருக்கின்றன. அவற்றில்‌ சிறந்த மருத்துவர்‌, வழக்கறிஞர்‌, முன்னுதாரண தமிழ்ப்பள்ளி, ஆசிரியர் (கல்வி), சமூக இயக்கம்‌, ஆசிரியர்‌ (நாளிதழ்‌), செய்தியாளர்‌ (நிருபர்‌), எழுத்தாளர்‌ (ஆய்வு), கல்வியாளர்‌, தன்முனைப்புப்‌ பேச்சாளர்‌, சாதனையாளர்‌, விளையாட்டாளர்‌, மூத்த விளையாட்டாளர்‌ போன்ற விருதுகளும்‌ அடங்கும்‌. தேர்வுக்‌ குழுவின்‌ மூலம்‌ இந்த வெற்றியாளர்கள்‌ தேர்ந்தெடுக்கப்படுவார்கள்‌.

இதில்‌ கலை, சமூக ஊடகம்‌ சார்ந்த இருபத்து மூன்று (23) விருதுகளும்‌ பத்து(10) நாட்கள்‌ நடக்கவிருக்கும்‌ மக்களின்‌ வாக்குகளின்‌ அடிப்படையில்‌ தேர்ந்தெடுக்கப்பட உள்ளனர்‌. ஒவ்வொரு பிரிவுகளில்‌ ஐந்து (05) பேர்‌ வேட்பாளர்களாகவும்‌, அவர்களில்‌ மக்களின்‌ மகத்தான ஆதரவை பெற்று அதிக வாக்குகளை பெற்ற நபர்‌ சம்பந்தப்பட்ட விருதினைச்‌ தட்டிச்செல்வார்‌. இதனிடையே "மலேசிய மாமனிதர்‌" துன்‌ சாமிவேலு வாழ்நாள்‌ சாதனையாளர்‌ விருதும்‌ வழங்கப்பட இருக்கின்றது.

இந்த ஆண்டு தமிழ்‌ நாட்டிற்கான கலைத்துறை விருதுகளையும்‌ அறிமுகம்‌ செய்து வைத்துள்ளோம்‌.

இந்த ஆண்டில்‌ மிகப்‌ பிரம்மாண்டமான இந்த விருது விழா, எதிர்வரும்‌ 30 நவம்பர்‌ 2024 (சனிக்கிழமை) இரவு 7.30 மணிக்கு டேவான்‌ துன்‌ ரசாக்‌, பேங்க்‌ ரக்யாட்‌ மண்டபம்‌, ஜாலான்‌ டிராவர்ஸ்‌, கோலாலம்பூர்‌, மலேசியாவில்‌ நடைபெற இருக்கின்றது.